پروين شاڪر
پروين شاڪر
پروين شاڪر: اردو زبان جي نامور شاعره پروين جي پيءُ جو نالو سيد شاڪر حسين آهي. هن 24 نومبر 1950ع تي لاهور ۾ جنم ورتو. رضويه گرلز ڪاليج ڪراچيءَ مان بي. اي ڪيائين. 1972ع ۾ ڪراچيءَ يونيورسٽيءَ مان انگريزي ادب ۾ ايم. اي ۽ پوءِ 1980ع ۾ انگريزي لسانيات ۾ ايم. اي ڪيائين. هارورڊ يونيورسٽي آمريڪا مان ايم. پي. اي جو ڪورس مڪمل ڪيائين. ان کان سواءِ هن ٻيا به ڪيترا ڪورس پاس ڪيا. جن جو تفصيل هن ريت آهي: سي. ايس. ايس ڪرڻ کان پوءِ 1983ع ۾ سول سروس اڪيڊمي لاهور مان ڪورس ڪيائين، ساڳئي سال ۾ نئشنل انسٽيٽيوٽ آف ڪسٽم ائنڊ ٽيڪسيشن ڪراچيءَ مان ڪورس ڪيائين. شروع ۾ عبدالله گرلز ڪاليج ڪراچيءَ ۾ ليڪچرار مقرر ٿي، ان کان پوءِ ترتيبوار اسلام آباد ۾ سيڪنڊ سيڪريٽري سي. بي. آر، راولپنڊيءَ ۾ اسسٽنٽ ڊائريڪٽر ائڊمنسٽريشن ۽ اسلام آباد ۾ ڊپٽي ڪليڪٽر ڪسٽم مقرر ٿي. آگسٽ 1992ع ۾ مئنيجمينٽ انفارميشن سسٽم جو ڪورس ڪيائين. سندس ڪتابن ۾: (1) ’خوشبوءِ‘ (شاعري: 1977ع)، (2) ’صدبرگ‘ (شاعري: 1980ع)، (3) ’خود ڪلامي‘ (شاعري: 1985ع) ۽ (4) ’انڪار‘ (شاعري: 1990ع) شـامـل آهـن. سـنـدس سمـوري شـاعـريءَ جـي گـڏيـل مـجـمـوعـي جــو نالو ’ماهِ تمام‘ آهي. ٽي ويءَ ۽ ريڊيو تي ڪالم نگار، اسڪرپٽ رائيٽر، ميزبان ۽ ڪمپيئر رهي. فارسي، عربي ۽ فرانسيسي ٻولين جي ماهر طور کيس ڪيترائي اعزاز، انعام ۽ اڪرام حاصل ٿيا. پنهنجي نئين اڍنگ، ادائگي جي انداز ۽ نئين سوچ سبب حاضر دؤر جي ممتاز شاعره هئي. سندس مطالعو تمام وسيع هو. اوڀر ۽ اولهه جي ادب ۽ سماجي تاريخ جو گهرو مطالعو ڪيو هئائين. پي. ايڇ . ڊيءَ لاءِ ”اوڀر پاڪستان جي الميي جو تجزياتي جائزو“ عنوان چونڊيو هئائين، پر زندگيءَ جي وفا نه ڪرڻ سبب اهو مقالو اڌ ۾ رهجي ويو. 26 ڊسمبر 1994ع تي هڪ روڊ حادثي ۾ لاڏاڻو ڪري وئي.
لفظ پروين شاڪرھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1950.11.24 عيسوي
اردو زبان جي نامور شاعره پروين جي پيءُ جو نالو سيد شاڪر حسين آهي. هن 24 نومبر 1950ع تي لاهور ۾ جنم ورتو.
1994.02.26 عيسوي
پروين شاڪر 26 ڊسمبر 1994ع تي هڪ روڊ حادثي ۾ لاڏاڻو ڪري وئي.
شاعر - ڀاڱي جون ٻِيون داخلائون
اختر درگاهيائنا اخمتووا
بِنگو گوپانگ
احسان علي شاهه 1
خانصاحب غلام علي جعفري
مير عباس علي خان ٽالپر
عراقي فخرالدين شيخ
محمد عثمان جمالي
بهاؤالدين
سرڪش سنڌي